Sep
22
to Sep 24

Nýggjur skúlabygningur

  • Ítróttaháskúlin í Suðuroy (map)
  • Google Calendar ICS

Ítróttaháskúlin í Suðuroy hevur fingið 39,8 mió. kr. frá Nordea-grunninum til ein nýggjan skúlabygning. Játtanin er eitt stev á vegnum, um at savna undirvísing, ítrótt, útilív og felagsskap undir einum taki – við føroysku náttúruni sum miðdepil.

Síðani stovnanina í 2016 hevur Ítróttaháskúlin í Suðuroy ment seg til eitt altjóða læringsumhvørvi, sum dregur ung úr Føroyum, Norðurlondum og úr øðrum londum kring heimin. Náttúran og virkið útilív eru ein týðandi partur av undirvísingini, har fjøll, havið og landslag verða nýtt sum eitt virkið læringsrúm. Her verða faklig og persónlig menning sameind við felagsskapi, kropsligari rørslu og upplivingum í føroysku náttúruni.

“Stuðulin frá Nordea-fondinum er ein varði í søguni hjá Ítróttaháskúlanum á Suðuroy. Vit hava ment skúlan gjøgnum mong ár, og nú fáa vit møguleikan at skapa karmarnar, sum kunnu lyfta hann enn longri. Náttúran verður framvegis okkara týdningarmesta læringsrúm, meðan nýggi bygningurin verður okkara felags stað. Samstundis ynskja vit, at skúlin skal vera opin fyri samfelagið og skapa enn meira lív og felagsskap í bygdini.“ – Miriam Jannit Norðberg, skúlastjóri á Ítróttaháskúlanum á Suðuroy

Nýggi skúlin verður umleið 2.000 m² og verður staðsettur miðskeiðis í Vági á einari 4.500 m² stórari grund, tætt við fjørðin. Vágs kommuna hevur latið økið til skúlan.

“Ítróttaháskúlin í Suðuroy er eitt heilt serligt stað, har náttúran skapar framúr karmar um felagsskapin. Hjá Nordea-grunninum eru vit errin av at stuðla nýggja skúlabygninginum, sum skal stuðla undir visiónir skúlans um at skapa enn betri karmar fyri næmingarnar – men eisini fyri borgarar og feløg í samfelaginum, sum eisini kunnu brúka umstøðurnar hjá skúlanum“ sigur Christine Paludan-Müller, úthlutunarstjóri í Nordea-fondinum.

Les meira á síðuni hjá Nordena-fonden:

https://nordeafonden.dk/nyheder/ny-skole-skal-styrke-aktive-faellesskaber-og-friluftslivet-paa-suduroy

View Event →
Jun
27
11:30 AM11:30

Nýggjur Skúlabygningur

  • Ítróttaháskúlin í Suðuroy (map)
  • Google Calendar ICS

Ítróttaháskúlin í Suðuroy farin í holt við forprojekti um ein skúlabygning

Ítróttaháskúlin í Suðuroy hevur verið undir einari spennandi menningarætlan, har millum annað ein nýggjur skúlabygningur hevur ein týðandi leiklut. Arbeitt hevur verið í tvey ár við einum projekti um ein nýggjan skúla, og í februar fingu tey á Ítróttaháskúlanum gleðiligu boðini, at Nordea-fonden vildi lata 1.450.000 kr til forprojektið, og á fíggjarlógini 2025 lat landið 350.000 kr.

Miriam Norðberg, sum er leiðari á ítróttaháskúlanum, fegnast um gongdina higartil.

-Hetta er eitt stórt stig, og nú mugu vit gera forprojektið gott, við vón um, at vit kunnu realisera endaliga projektið. At hava ein viðspælara sum Nordea-fonden, er ikki bert eitt herðakapp, men við teirra royndum og vitan fáa vit besta úrslit, sigur Miriam Norðberg.

Miriam nevnir eisini, at tað hevur kravt nógv av umsitingini og av starvsfólkunum, at fara undir eitt slíkt projekt.

-Hetta kann bert eydnast, um man hevur góð fólk rundan um seg. Nú eri eg í tí hepni støðu, at míni starvsfólk eru heilt fantastisk, sigur Miriam Norðberg.

Miriam nevnir eisini, at tað er umráðandi fyri hana, at øll vera hoyrd og at tankar og hugskot hjá starvsfólkunum vera ein partur av hesum projektinum.

-Tað eru jú tey, sum undirvísa og hava eitt serstakt innlit í gerandisdagin, og tískil ynski eg eisini eitt læraraumboð, sum skal virka sum ein av ráðgevunum hjá dómsnevndini, sigur Miriam Norðberg.

-Í august verður arkitektakappingin sett ígongd, og síðst í novembur velja vit, hvat projekt vit ynskja at arbeiða víðari við, og útvega fígging, sigur Miriam Norðberg.

Stýrið hjá Ítróttaháskúlanum í Suðuroy hevur eisini skipað seg av nýggjum.

Nevndin:

Erhard Joensen -formaður

Bjarni Johansen – næstformaður

Bárður G. Nielsen – Bygginevnd

Ole Wich – nevndarlimur

Bogi Mortensen – Kassameistari

-Nú fara vit inn í eina tilgongd, har skúlin skal lyftast frá einari pioneertilgongd, til eina fasta og trygga legu. Her er ein nýggjur og nútímans skúlabygningur ein fyriteyt, sigur Erhard Joensen, formaður.

Eisini hevur kommunan verið ein týðandi viðspælari, og hevur latið grundstykki til verkætlanina.

-Hetta er ein sera spennandi verkætlan, sum Ítróttaháskúlin fer í gongd við, og hon kemur at hava nógv at siga fyri bygdina, sigur Bjarni Johansen, borgarstjóri í Vági.

-Kommunan ynskir at vera ein virkin viðspælari í tilgongdini, og at stuðla undir menningina av einum nútímans skúla, sigur borgarstjórin.

View Event →